Kjo është ndeshja e fundit e Kobe si profesionist – kishte dhuruar spektakël

22:18 | 26 Janar 2020
Arbresh Info

Kobe Bryant ka vdekur të dielën në moshën 41 vjeçare pas një aksidenti me helikopter privat.

Sipas raportimeve, përveç atij në bord ishte edhe njëra prej katër vajzave të legjendës së basketbollit.

Pesë personat që ishin në bord kanë vdekur, transmeton Gazeta Express.

Kobe njihej me nofkën “Mamba e Zeza”, për shkak të stilit të tij të lojës. Bryant zyrtarizoi tërheqjen nga loja në sezonin 2015-16. Gjatë gjithë atij sezoni, tifzoët e të gjitha ekipeve e prisnin si hero në palestrat e tyre legjendën, për kontributin që i kishte dhënë sportit.

Loja e tij e fundit ishte kundër Utah Jazz. Të gjithë prisnin nga Kobe që të kishte një paraqitje të mirë, për moshën që e kishte nuk priteshin shumë pikë. Por Bryant arriti të surprizonte të gjithë edhe një herë të fundit.

Ai shënoi hic më pak se 60 pikë në fitoren dramatike të ekipit të tij Lakers, klub në të cilin luajti gjatë gjithë karrierës si profesionist.

Shikoni më poshtë pamjen dhe spektaklin që dhuroi Bryant në këtë ndeshje:

Shpërndaje në rrjete sociale

Lajmet më të lexuara

Të ngjashme

Foto lajm